2025 жылғы 29 қыркүйекте «Мейірімділік күші – зорлықсыз жол» тақырыбында сынып сағаттары өткізілді. Мақсаты: оқушылардың бойында мейірімділік құндылығын қалыптастыру, айналадағы адамдарға құрметпен қарауды тәрбиелеу және зорлық-зомбылықтың алдын алу. Өткізілген жұмыс түрлері: әңгімелер, пікірталастар, топтық жұмыстар, бейнематериалдарды көру және талқылау, шығармашылық тапсырмалар.

2025 жылдың 24-ші қыркүйегі күні, қазан айының 1 – Қарттар күніне орай, мектебіміздің 10–11 сынып оқушылары «Қамқор» жобасына қатысты. Оқушылар қарт тұрғындарға көмек көрсетіп, аулаларын жинауға жәрдемдесті. Акцияның мақсаты – оқушылардың бойында мейірімділік сезімін, үлкендерді құрметтеуді және көмекке әрдайым дайын болуды тәрбиелеу.

2025 жылдың 27-ші қыркүйегінде Аксеновка орта мектебінде нысандар мен жабдықтардың антитеррористік тұрғыдан қорғалуын ұйымдастыру бойынша оқу-жаттығу өткізілді. Оқу-жаттығу барысында бекітілген және пысықталған іс-қимыл алгоритмдері қарастырылды. АӘД пәнінің ұйымдастырушысы, педагог Д.Б.Бергенов газтұтқыш пен жалпы әскери қорғаныс жинағын дұрыс пайдалану тәсілдері туралы айтып, алғашқы медициналық көмек көрсету бойынша нұсқаулық берді.

Қыркүйек айының 24 - шi жұлдызы күні Аксеновка орта мектебінде " Бірыңғай ашық есіктер күні" өтті. Аталған шараға мектепке дейінгі білім беру мұғалімдері мен бастауыш сынып ұстаздары қатысты. Өткiзiлген шараның мақсаты: балалардың мектепке дейінгі білім беру кезеңінен жалпы білім беру кезеңіне жайлы бейнелеуiн  қамтамасыз ету.

 

2025 жылдың 22-ші қыркүйегінде Еңбек күніне арналған сынып сағаттары өткізілді. Іс-шараның мақсаты – оқушылардың еңбекке деген құрметпен қарауын қалыптастыру, оның адам өмірі мен қоғамдағы маңызын түсіну. Сынып сағаттары барысында балалар мерекенің шығу тарихымен танысып, әртүрлі мамандықтар мен адал әрі жауапты еңбектің мәнін талқылады. Шарада еліміздің дамуына зор үлес қосқан азаматтары таныстырылды. Оқушылар әңгімеге белсенді қатысып, өз пікірлерін айтып, жеке тәжірибелерінен мысалдар келтірді.

2025 жылғы 10 қыркүйекте ата-аналар жиналысы өтті. Жиналыста келесі мәселелер қарастырылды: 1. 2025–2026 оқу жылының басталуы туралы 2. «Адал азамат» тәрбие бағдарламасымен таныстыру 3. Құқықбұзушылықтың және буллингтің алдын алу, білім беру ұйымдарындағы сенім телефоны туралы 4. Ата-аналар комитеті мен қамқоршылық кеңесін бекіту

Денсаулықты нығайтуға ықпал ететін мектеп бағдарламасы аясында, Аксеновка орта мектебінде оқушылар мен мұғалімдердің қатысуларымен спорттық іс-шара өтті. Жарыс достық әрі көтеріңкі көңіл-күйде өтіп, командалық рухты нығайтуға, дене белсенділігін арттыру мен ұрпақтар арасындағы өзара байланысқа ықпал етті. Қатысушылар белсенділік пен спорттық жігер танытып,бір-біріне өзара қолдау көрсетті. Мұндай іс-шаралар салауатты өмір салтын қалыптастыруда және мектеп ұжымын біріктіруде маңызды рөл атқарады.